پەیمانگەی نیشتیمانی تەکنیکی لە ساڵی ٢٠١٣دا بە ڕەزامەندی وەزارەتی پەروەردەی هەرێمی کوردستانی عێراق بەپێی نوسراوی ژمارە ١٦٠٦ لە ڕێکەوتی ٢٦/٠٨/٢٠١٣ دامەزراوە. پەیمانگەی نیشتیمانی تەکنیکی هەوڵ دەدات ببێتە یەکێک لە پەیمانگە پێشەنگەکان لە عێراقدا، کە بە پڕۆگرامی خوێندنی جیهانی و ڕێگەکانی وانەوتنەوەی زانستی هەمەلایەنە دەناسرێتەوە. پەیمانگەکە زۆر بەپەرۆشە بۆ گەشەکردن و پێشکەوتنی بەردەوام لە داهاتوودا.
پەیمانگە خاوەنی بینایەکی سەردەمیانەیە کە گشت پێوەر و مەرجەکانی بەرزکردنەوەی ئاستی پەروەردە و خوێندنی تێدا فەراهەم کراوە، وەک (تاقیکگە، پەرتووکخانە، باخچە، یاریگا و خواردنگە). دەرچووان بڕوانامەی دیبڵۆمی باوەڕپێکراو وەردەگرن و دەتوانن لە ناوەوە و دەرەوەی کوردستاندا درێژە بە خوێندنیان بدەن. هەروەها قوتابیان دەتوانن بڕوانامەی ئەکادیمیای تەکنەلۆژیای زانیاریی مایکرۆسۆفت بەدەستبهێنن کە لەلایەن کۆمپانیای مایکرۆسۆفت لە ویلایەتە یەکگرتووەکانی ئەمریکا باوەڕپێکراوە.